Шу аудандық «Төле би» мешітінде «Мектепке жол» акциясы ұйымдастырылды.

Игі іс-шараға ауданымыздың беделді азаматтары ат салысып, 15 мектеп оқушыларына мектепке қажетті құрал-жабдықтармен сөмке, спорт киімі және спорттық аяқ киімдер таратылды.

Бас имам Қ. Мусаев мектеп шәкірттеріне білім жолында шаршамай еңбек етулерін еліміздің білімді де, парасатты азаматтары болуларына тілек айтып, соңында Құран оқылып бата берілді.

Келген балалардың ата-аналары демеушілік көрсеткен ағаларымызбен осы шараға ұйытқы болып жүрген ауданның бас имамына алғысын айтып, өз ризашылықтарын білдірді.

Ғалым ЕСІРКЕСІНҰЛЫ,

Шу аудандық Төлеби мешітінің іс басқарушысы