Тараз қаласында орналасқан «Тұрсынбай ата» мешітіне жаңа имам қызметке келді. Мақсат Орманов ҚМДБ-ның төрағасы, Бас муфти Ержан қажы Малғажыұлының бұйрығымен аталмыш мешітке молда болып тағайындалды.

Жаңа имамды Тараз қалалық «Әулие-ата» мешітінің бас имамы Аят Дыбысұлы Алмаханов күндердің сұлтаны қасиетті жұма күні арнайы барып, жамағатқа «Ата заң һәм мұсылман мұраты» жайында уағыз айтты. Сөз соңында жаңадан тағайындалған молданы халық алдына таныстырды.

Осы мешітте ұзақ жылдар бойы молдалық қызмет етіп, қайтыс болған Нағашбек Мұраталиев атамызға Құран оқылып, дұға бағышталды. Сондай-ақ, тағайындалған имамға тапсырылған жұмысты ары қарай жалғастыруға алдағы уақытта сәттілік тіледі.