Тараз қаласындағы «Әзірет Әли» мешітінде ақшам намазынан кейін ғибадат үйінің жамағатымен «Нұр-Мүбарак» Египет ислам мәдениеті университетінің Құран пәнінің оқытушысы, имам хатиб Самет Данияр Жалмухамбетұлы кездесті.

 Осыдан бірер күн бұрын «Әзірет Әли» мешітінде ұйымдастырылған қалалық Құран және Азан жарысына арнайы шақырылған қонақты алдымен мешітіміздің бас имамы Бекболат Мыңбаев жамағатпен таныстырып, ақшам намазын жүргізуді өтінді. Қасиетті Құранды әдемі дауысымен оқып, намазда имам болған Данияр ұстазға ұюшылардың талайы Алланың сөзінің құдіреттілігін сезініп, көздеріне жас алды.

 Намаздан кейін жиналған жамағатқа ұстаз Данияр Самет қазақтың салт-дәстүрі, әдет-ғұрпы, ислам дінін ұстануы жайлы уағыз айтты. Еліміздің тыныштығын бұзуды ойлаған жат ағымдардан сақтануды ескертті. Өте қызықты өткен кездесу соңында ұстазымыз ақ батасын беріп, қонақ қылған Әулие ата жұртшылығына алғысын білдірді.

Жалғас ОРЫНБАСАРОВ,

«Нұр-Мүбарак» Египет ислам мәдениеті

университетінің 2 курс студенті