Қалыптасқан дағды бойынша Мойынқұм ауданында қызмет атқарып жүрген имам-молдалар кезекті жиналыста бас қосты. Жиында қасиетті Рамазан айында атқарылған іс-шаралар талқыланды. Бас имам діни басқарманың қойылған талабы да, әр имамның жауапкершілігі де жоғары екендігіне тоқтала келіп, жұмысын жақсы атқарған имамдарға алғыс айтты.

     Іс-шараға ауыл имам-молдалары мен ішкі саясат бөлімінің қызметшісі Манарбек Көшкінбаев, аудандық ардагерлер кеңесінің төрағасы Жамбыл Қалыбаев, Мойынқұм аудандық газетінің бас редакторы Сүндетулла Әбілов қатысты.

    Аудан имамы ауыл-молдаларына облыстан берілген «Діни негізгі мағлұмат» кітабын таратып, бірқатар тапсырмалар жүктеді. Атап айтарболсақ: мешіт ауласын таза ұстау, белгіленген төрт бағыт бойынша жұмыс атқару, келесі жылға газет-журналға жазылу, имам-молдалардың білімін жетілдіру мақсатында ислам институтына екі айлық оқуға бару, қажылық сапарына бару жөніндегі мәселелер, алдымызда келе жатқан «Салафизм-аса қауіпті індет»атты облыстық конференцияға қатысып, үлкен жауапкершілікпен белсенділік танытып жұмыс атқару тапсырылды.

     Молдалар аудан имамының сөзін қолдап, жұмыла бірлесіп жұмыс атқаратындарын айтты.