Ораза айтта Мойынқұм мешіті жамағатқа толысып, ауданның бас имамы З. Исаев тұтқан оразаларыңызды Алла Тағала қабыл етсін деп дұға етіп, уағыз айтты. Сондай-ақ, аудан әкімінің орынбасары Б. Естаев көпшілікті ораза айтпен құттықтады.

     Аудандық және ауылдық мешіттерде жазғы сауат ашу курстары, лагерлер ұйымдастырылып, шәкірттерге арналған түрлі діни шаралар өтті. Мойынқұм мешітінің бас имамы З. Исаевтың ұйымдастыруымен, ислам дініне жанашыр жомарт мұсылман бауырлардың демеушілігімен, ауданда ораза айының, ораза айттының құрметіне «Қайырымдылық-ең ізгі қасиет» атты көмекке мұқтаж, жағдайы төмен, жалғыз басты, көпбалалы, мүмкіндігі шектеулі отбасыларға қайырымдылық науқаны өтті.

     Аудандық, ауылдық мешітте сәресі мен ауызашарлар берілді. Ауданда ораза айында өзгеше өткен қайырымдылық шараның бірі – облыстық «һибатулла Тарази» мешітінің ұйымдастыруымен атқарылған «Жолың болсын жолаушы» науқаны. Аталмыш іс-шарада айттың 1 күні Мойынқұм ауданынан Тараз қаласына 18 орынды, 2-ші күні Тараз қаласынан Мойынқұм ауданына 18 орындықтан тұратын микроавтобус жолаушыларға тегін қызмет көрсетті.

Жолаушылар облыстық «һибатулла Тарази» мешітінің бас имамы Данияр Жұмабаевқа алғыстарын айтып: «Мұндай игі шараны өткізгені үшін Алла Тағала разы болсын, – деп үлкендер батасын берді.

Мойынқұм мешіті