Мұқтаж жандарға қол ұшын беріп, қайырымдылық жасауға шақырған Бас мүфти Ержан қажы Малғажыұлы үндеуіне «Әзрет Әли» мешіті де мүмкіндігінше үн қосуда. Осыған орай, ұлық мереке – ораза айт қарсаңында «Әзрет Әли» мешіті демеушілердің қолдауымен Тараз қаласында орналасқан «Ақыл-есі кем балаларға арналған» балалар үйінде болып, емделуші балалар мен аталған үйдің қызметкерлерінде арнап дастархан жайды. Күріш басылып, тәттілер мен сусындар қойылған дастархан басында мешітіміздің наиб имамы Ниязбеков Қанат мырза Құран оқып, Жаратушы Иемізден балалардың амандығын сұрап, дұға жасады. «Әзрет Әли» мешітінің бас имамы Бекболат Мыңбаевтың ұйымдастырумен болған кездесу соңында балалар үйінің қызметкерлері өз алғыстарын айтты.

Орынбасаров Жалғас

Нұр-Мүбарак Египет ислам мәдениеті

университетінің 2 курс студенті