Тараз қаласының түрлі мектептерінде жас өскелең ұрпақты білім нәрімен сусындатып жүрген бір топ ұстаздар қауымы «Әзрет Әли» мешітінің бас имамы Бекболат Мыңбаев мырзамен сұхбаттасты.

   Алланың үйіне арнайы келген қонақтармен уағыз-сұхбат құрған Бекболат мырза ұстаздарға осы қасиетті Рамазан айының қадірін айтып, ҚМДБ-ның қазіргі таңда атқарып жатқан жұмыстарымен таныстырып, ел ішінде болып жатқан игі шаралар туралы баян етті. Асыл дінімізді біріге отырып таратуды ұсынды. Өскелең ұрпақтың ислам жолымен жүруге үндеуге шақырды. Өз кезегінде мұғалімдер тарапы Бекболат Мыңбаев мырзаға көкейлерінде жүрген сұрақтарын қойып, тұшымды жауап алды. Сұхбатқа дән риза болған ұстаздар қауымы мешіт ұжымы мен бас имамға алғысын айтып, батасын берді. Кездесу соңында екі жақ өзара сыйлықтармен алмасты.  

Орынбасаров Жалғас

Нұр-Мүбарак Египет ислам мәдениеті

университетінің 2 курс студенті