Он екі айдың сұлтаны болған  Рамазан айы Қасиетті Құран түсіріле бастаған ұлық ай. Рамазан айында кешкі тарауық намазында хатым Құран түсіру пайғамбарымыздан (с.ғ.с.) қалған сүннет болып саналады.

Шу қалалық «Жами» мешітінде биыл екінші жылы тарауық намазында хатым Құран оқылды. Биылғы Рамазан айындағы тарауық намазының бірінші күнінен бастап қасиетті хатым Құран түсіріле бастаған.

Қалалық «Жәми» мешітінде мешіт жамағатына ауыз ашар беріліп, тарауық намазында хатым Құран тәмамдалып дүниеден өткен ата-бабаларға бағышталды.

Шу қалалық Жами мешітінің бас имамы Қуат Дүйсенбайұлы Юнус қариға өз атынан және жамағат атынан ризалықтарын білдіріп келер жылыда Алла Тағала  амандық берсе дәл осындай Рамазан айында тарауық намазына күтетінін жеткізді.

Қазақ халқының жөн жоралғысы,  салт дәстүрі бойынша Юнус қариға үстіне қазақша оюымен шапан жауып, астына ат мінгізіп шығарып салды.

Соңынан мешіт қариясы, мешіт жамағаты Абдіманапов Сайфуддин қажы хатым түсірген Жахунов Юнус қариға ақ батасын беріп дұға жасап, ата-анасына алғысын білдірді.

Шу қалалық Жами мешітінің баспасөз қызметі