Қордай ауданының әкімі Қайрат Әскербекұлы Досаев Қордай жамағатына ауызашар берді. Аудан басшысының ауызашар дастарханына ауданымызға белгілі тұлғалар, ардагерлер, ауданның құрметті азаматтары, мешіт жамағаты мен аудан әкімінің аппарат қызметкерлері қатысты.

Ауызашар уақыты кірісімен ауданымыздың бас имамы Ә. Шалбай ауызашар батасын жасап, дұға етті. Аудан әкімі Қ. Досаев келген қонақтарды рамазан айымен құттықтап, елеулі мереке Астана күнімен құттықтап, ауданымыздың тыныс тіршілігі жайында қысқаша айтып өтті. Аудан басшысы Қайрат Әскербекұлы өзінің барлық орынбасарлары мен аппарат жетекшіслерінің, бөлім басшыларының бес парыздың бірі ораза ұстағандарын айтып, көңілді жадыратты. Үлкен астан соң бас имам Ә. Шалбай Құран оқып дұға жасады. Ауыл ақсақалдары бірінен кейін бірі жылы лебіздерін білдіріп, Рамазан айымен құттықтап өтті. Ауызашар кеші 93 жастағы Қайым ата ақ бата беруімен аяқталды.

Аудандық «Қордай» мешітінің баспасөз қызметі