ҚМДБ-ның төрағасы Бас мүфти Ержан қажы Малғажыұлының әр имамға жүктеген, басты назарға алынатын тапсырмаларының бірі - шәкірт оқыту мәселесі болып табылады.

Сауабы мол, ұлы білімді ұрпақ санасына сіңіре отырып, «Білімдінің көзі жарық» демекші, Тараз қаласындағы «Әзрет Әли» мешітінде жазғы сауат ашу курсы алғашқы кезеңінде 30 шәкіртті білім нұрымен сусындатты.

Қорытынды дәрісті ашық-жарыс сабақ күйінде ұйымдастырған мешіт ұжымы, шәкірттерге сертификат тапсыру үшін және әділ қазылар мүшесінің құрамы үшін  Жамбыл облысының өкіл имамы Данияр Жұмабаев, Тараз қалалық «Әулие ата» мешітінің бас имамы Аят Дыбысұлы және қалалық «Құлбай баба» мешітінің бас имамы Талғат Сматов шақырылды.

Тартысқа толы ашық сабақ өте қызықты өтті. Дәріс соңында мешітіміздің бас имамы Бекболат Мыңбаев сауат ашу жайында сөз сөйлесе, Тараз қалалық «Әулие ата» мешітінің бас имамы Аят Дыбысұлы «Білім инемен құдық қазғандай» сабырлық пен төзімділік қажет деп, жазғы сауат ашу курсында білім алушы шәкірттерге және білім беруші ұстаздарға алғысын білдіріп, арнайы сертификаттар табыстап, әрі  шәкірттерге бағалы сыйлықтар таратты.

 Орынбасаров Жалғас

Нұр-Мүбарак Египет ислам мәдениеті

университетінің 2 курс студенті