Ас беру – нығмет. Хадис шәрифте былай делінген: «Алла Та'ала тамақ жегізетін жомарт құлымен періштелеріне мақтанады.» (Имам Ғазали) «Қонақ дастарханда отырғанынша, періштелер үй иесіне дұға етеді.» (Табарани)

«Һибатулла Тарази» мешітіндегі ауызашардың қадірлі қонағы болу кезегі үшінші билік өкілдері журналисттар мен ертеңіміздің жарқын көрінісі болар жастарға бұйырды.

Журналист мамандығы – қиындығы мен қызығы мол, жан-жақты білімділікті талап ететін жауапты сала. Өз шығармашылығы арқылы қоғамға да, адамға да қызмет ететін, ешқашан қателесуге болмайтын, қашанда жаңаның, жаңалықтың жақтаушысы, қолдаушысы бола алатын осы бір кәсіп иелерінің қатары жыл өткен сайын көбейіп келеді. Бұқара халық пен биліктің арасын байланыстырушы көпір болған мамандық иелірі мен елі үшін жас та болса бас болып, жастарды алға батап жүрген белсенді тұлғалар мешіт дастарханынан дәм тиіп, шын жүректен жылы лебіздерін білдірді.  

Ақерке БЕКҚҰЛОВА,

«Һибатулла Тарази» мешітінің баспасөз қызметі.