Шу аудандық «Төле би» мешітінде ауданның бас имамы Қ. Мусаевтың ұйытқы болуымен қасиетті Рамазан айының құрметіне ораза ұстаған тұрғындарға көмек көрсетіп, қайырымдылық шараларын көбейтіп, жамағатқа осы айдың қадір-қасиетін ұғындыруда белсенді істер атқарылуда.

Қасиетті айда атқарылған шараларға тоқталар болсақ, тұрмыс жағдайы төмен отбасыларға қайырымдылық жасалып, оларды азық-түлік, тұрмыстық қажеттілікпен қамтамасыз ету шаралары үздіксіз жүргізілуде. Сонымен қатар ауданымыздағы мүмкіндігі шектеулі (мүгедек) балаларды қарайтын «Аққайын» балабақшасынада қайырымдылық науқаны өтті.

Аудандық мешітте ауыз бекіткен жамағатқа ауызашарлар жасалуда. Сондай-ақ, ораза ұстап, Алла Тағаланың парызын орындауды мақсат тұтып, тарауих намазына ықыласпен қатысуға келген тұрғындар үшін мұсылманша сауат ашуға, ілім алуға деген қызығушылықты арттыру мақсатында қүнделікті уағыз-насихат айтылып, сұрақ-жауап ұйымдастырылып, сыйлықтар таратылуда.

                                                        Шу аудандық Төле би мешітінің

іс басқарушысы Ғалым Есіркесінұлы