Шу ауданы «Төле би» мешіті жылдағы дәстүр бойынша жүргізілетін мешіт жанындағы балаларға арналған жазғы сауат ашу курсы өз жұмысын аяқтады. Жазғы лагерь 1 айға созылды.

Балалар қасиетті Құран Кәрімді, пайғамбарымыздың (с.ғ.с.) хадистерін, күнделікті әр мұсылманға тиісті дұғалар, намаз, дәрет алу сияқты ислам құндылықтарын үйреніп, дәріс алды.

Бір ай алған білімдерін сынап, үздіктерін анықтау мақсатында әдеттегідей өз-ара жарыс ұйымдастырылды.

Ауданның бас имамы Қ. Мусаев балаларға білім алу жайында, ата-анаға қамқорлық көрсету жайында, елдің абыройлы азаматы болу керектігі туралы уағыз насихат айтып, елімізге, дінімізге пайдалы жақсы азамат болып, өсіп-өрлеулерін тіледі. Сайыс соңында балаларды алғыс хатпен марапаттап мешіт атынан сыйлықтар таратты.

Шу аудандық Төле би мешітінің

іс басқарушысы Ғалым Есіркесінұлы