Қалалық «Әзрет Әли» мешітінде ұйымдастырылып отырған жазғы Құран үйрену курсының бірінші легі де өз мәресіне жетуге таяп қалды. Маусым айының 1-ші жұлдызынан басталған курста қазіргі таңда 50 жуық үлкен-кіші шәкірт білім алуда. Олардың 80%-на жуық қасиетті Құранға түсіп үлгерді.

         Ардақты пайғамбарымыз Мұхаммед (с.а.у.) «Сендердің ең жақсыларың - Құранды үйреніп, басқаларға үйреткендерің» дегендей мешіт қызметкерлерінің басты мақсаты өскелең жас ұрпаққа шарапатты Құранның қасиетін түсіндіріп, оларға сол қасиетті кітапты оқуды үйрету. Сол мұратқа жету үшін мешітіміз аянбай еңбек етіп, шәкірттерге 3 күнде Құранға түсу әдістемесімен дәріс жүргізуде.

         Оқушылар ынтасын арттыру мақсатында шәкірттер арасында апта сайын үздіктерге Құран кітабы сыйланып, жұмасына бір рет футбол ойналады. Сонымен қатар дәріс аяғында тәлімі мол қазақша мультфильмдер көрсетілуде.

Орынбасаров Жалғас

"Нұр-Мүбарак" Египет ислам мәдениеті

университетінің 2 курс студенті