Мойынқұм ауданы Жамбыл ауылы «Жексенбай ата» мешітінде аталмыш тақырыпта ілім сайысы өтті. Бұл іс-шарада екі апта дәріс алған жазғы лагер шәкірттері екі топқа бөлініп Құраннан, хадистен және араб әріптерін тақтаға жазудан өз білімдерін көрсетті.

Бұл іс-шараның мақсаты ауыл жастарын имандылыққа тәрбиелеу мақсатында ұйымдастырылды. Іс-шара соңында ауыл ақсақалдарының төрағасы Көпбосынов Айтқұл және Кеңес ауылының молдасы Бадықов Ұзақбай жас шәкірттерге терең білім алуға үгіттеді. Сондай-ақ, шәкірттер мақтау грамоталарымен марапатталды.