Бас Мүфти Ержан қажы Малғажыұлы қасиетті Рамазан айын өз деңгейінде өткізу мақсатында еліміздегі дін қызметкерлеріне дайындық жұмыстары бойынша біршама тапсырмалар жүктегені баршамызға мәлім.

Шу аудандық «Төле би» мешітінің қызметкерлері аталмыш тапсырмалар бойынша дайындық іс-шараларын өз деңгейінде жүзеге асыру үстінде. Соның ішінде айта кетсек, Шу ауданының бас имамы Қ Мусаевтың аудан тұрғындарын Рамазан айымен құттықтау және жергілікті уақыт бойынша ораза кестесі аудандық «Шу өңірі» газетінің 50-ші нөміріне жарық көргенін айтамыз. Ауданымыздың орталық алаңына «Қош келдің рамазан!» атты құттықтау билборттары және мешіт ауласына Алла елшісінің (с.ғ.с) хадистері мен дана халқымыздың ұлы сөздері жазылған баннерлер ілініп, бас имам Қ.Мусаевтың атынан жасалған құттықтау қағаздары, ораза кестесімен бірге мекеме басшыларына, кәсіпкерлерге және қоғам қайраткерлеріне таратылды.

Сонымен қатар төрт тілде (қазақша,түрікше,орысша,күртше) 6000 дана ораза кестесі басылып, жұма намазында жамағатқа таратылып, қоғамдық көліктерде (автобустарда) Ораза жайлы плокаттар ілінгенін айтамыз.
Аудандық «Төле би» мешітінде Рамазан айына қатысты жоспарлары әлі де көп, Алла ойымызды іске асыруға нәсіп қылғай!

Шу аудандық Төле би мешітінің
іс басқарушысы Ғалым Есіркесінұлы