Әлем мұсылмандары сағына күткен қасиетті Рамазан айы да күн санап жақындап келе жатыр. Қуана күткен Құран айына байланысты Қордай жерінде дайындық ерекше. Аудандық «Қордай шамшырағы-Кордайский маяк» газетінің 87-88 нөмірлерінің алғашқы беттерінде Бас Мүфти Ержан қажы Малғажыұлының халыққа үндеуі мемлекеттік және орыс тілдерінде жарық көрді.

Аталмыш газеттің №89-90 сандарында Бас мүфти құттықтауы, аудан имамы Ә.Шалбайдың рамазан айымен құттықтауы және жергілікті уақыт бойынша ораза ұстау кестесі жарық көрді. Демеушілердің көмегімен 7000 дана түрлі түсті ораза ұстау кестесі басылып, ауылдық жерлерге, жамағатқа таратылуда.

Рамазан айына байланысты құттықтау хаттары дайындалып, аудан және мекеме басшыларына, зиялы қауым өкілдеріне және демеушілерге таратылды. Орталық Жібек жолы көшесіне және халықаралық маңызы бар Алматы-Ташкент тас жолына баннерлер ілінді. Аудандық «Қордай» мешітінің түнгі жарық беру құрылғылары жаңартылып, мешіт іші және аула тазалық жұмыстары тұрақты түрде жүргізілуде. Мешіт қақпасындағы электронды жүгірмелі жолаққа Рамазан жайлы аят пен хадистер жазылуда. Қордай ауданына қарасты барлық ауылдық мешіттері қасиетті айды тиісті деңгейде өткізіуге дайындық үстінде. Алла ісімізгі сәттілік бергей!

Аудандық «Қордай» мешітінің баспасөз қызметі