Құран – Исламның жоғары тағылымының негізгі қайнары және осы илаһи діндегі барлық ойлар мен бағдарламалардың негізі. Бұл кітап адамдар үшін білім мен хикметтің бұлағы. Құран ғасырлар өтсе де мәңгілікке қалған әрі бұдан әрі де мәңгі қала беретін илаһи мұғжиза. 

Алматы қаласында «Бәйкен» мешітінде Қазақстан мұсылмандары діни басқармасының ұйымдастыруымен өткен «VI Республикалық Құран сайысының» нәтижесінде Жамбыл облысының тумасы 14 жастағы ең жас қари Дулат Қалығұлов жүлделі І орынды иеленіп, Бас мүфти Ержан қажы Малғажыұлы оған «Hyunday» көлігінің кілтін салтанатты түрде табыстаған болатын.

Бүгін де «Һибатулла Тарази» мешітінің бас имамы Данияр қажы Жұмабаев Жетісу жерінен жеңіспен келген жас қариді құттықтап, сый-сыяпат тарту етті. Алдағы Қасиетті Рамазан айында «Хазіреті Сұлтан» мешітіне алғаш рет Құран қатым жасау үшін сапар шеккелі отырған Дулатқа қатым өтеуді түсіндеріп, Аллаға аманат етті.

Жастайынан тілін кәлимаға сындырып, осынау жасында қари атанған Дулаттың алар асуы әлі алда.

«Һибатулла Тарази» мешітінің баспасөз қызметі