Шу аудандық «Төле би» мешітінде ауданның бас имамы Қ. Мусаев ауданға қарасты ауыл молдаларымен бас қосып, жиналыс өткізді. Аталмыш жиында ауыл молдаларын келе жатқан 12 айдын сұлтаны Қасиетті Рамазан айымен құттықтап, Бас мүфти Ержан қажы Малғажыұлының үндеуі мен облысымыздың бас имамы Данияр қажы Жұмабаев мырзаның тапсырысын басшылыққа ала отырып, ауыл молдаларына ораза айын ауылдарда өз деңгейінде өткізу сынды жұмыстарды жүктеді.

Рамазан айына дайындалу, жоспар мен бағдарлама жасау, ауыз ашарлар ұйымдастыру, сонымен қатар, қажылық мәселесі, «Нұр Мүбарак» университеті мен медреселерге шәкірттер жіберу сияқты төрт бағыт бойынша атқарылатын жұмыстар туралы және тағы басқа мәселелер турасында сөз қозғалды.
Қатысушылар өз ойларымен бөлісіп, мәжілісте туындаған сұрақтарын қойып, мардымды жауаптар берілді.

Шу аудандық «Төле би» мешітінің
іс басқарушысы Ғалым Есіркесінұлы