Ай сайынғы қалыптасқан дәстүр бойынша аудандық «Мойынқұм» мешітінде имам-молдалардың кезекті жиыны өтті. Аудан имамы алдағы келе жатқан қасиетті Рамазан айымен құттықтап, жылы лебізін білдірді.

Бас имам З. Исаев өткен айдағы атқарған жұмыстар бойынша ауыл имам-молдаларының есебін тыңдап, аудан имамы ауыл-молдаларына бірқатар тапсырмалар жүктеді. Атап айтар болсақ, мешіт ауласын таза ұстау, белгіленген төрт бағыт бойынша жұмыс атқару, сауат ашу жазғы лагерін ұйымдастыру және алдымызда келе жатқан Рамазан айына үлкен жауапкершілікпен белсенділік танытып жұмыс атқару.
Молдалар аудан имамының сөзін қолдап, жұмыла бірлесіп жұмыс атқаратындарын айтты.

Ә. Сүйіндік