Ауыл тұрғындары мен кәсіпкерлерінің демеуімен Жамбыл ауданы Түрксіб ауылында жаңа мешіт бой көтеріп жатыр. Ауданның бас имамы Ғайырфулла Қуанышбекұлы сонда арнайы барып, ауыл қарияларымен мешітте кездесті. Жиналған қауым Алла Тағалаға шүкірлік қылып, тасаттық беріп жатқан жерде бас имам уағыз айтып, елді ынтымаққа, бірлікке шақырып, мешіт тұрғызуға атсалысып жатқан кәсіпкерлерге, ауыл тұрғындарына алғысын айтты. Сондай-ақ, құрылыстың қалған бөлігін салу жұмыстарын атқаруға ауыл кәсіпкерлері мен жамағатын шақырды.