Аудандық «Қордай» мешіті және орталық кітапхана ұжымының ұйымдастыруымен кітапхананың оқу залында  «Ислам діні және керітартпа ағымдар» атты жиын өтті. Жиынға аудандық «Қордай» мешітінің наиб имамы, дінтану магистрі Д.Жандосұлы, ішкі саясат бөлімінің бас маманы Қ.Алиясов, кітапхана қызметкерлері, оқырмандар және мектеп оқушылары қатысты. Жиын барысында «такфир уаль хиджра», «хизбут тахрир» және «таблиғи жамағат» сынды сот шешімдерімен тиым салынған ағымдар жайлы  дін маманы Д.Жандосұлы кеңінен тоқталып өтті. Ағымдар жайлы арнайы бейнефильм көрсетілді. Жиын жалғасында наиб имам Д.Жандосұлы Ислам дінінің құндылықтарын ашықтап көрсетіп, ата-анаға құрмет, білім алу жайлы  ислами талаптарды түсіндірді. Қатысушылар тарапынан Д.Жандосұлына  бақсы-балгерлік, хиджра  жайлы т.б.с.с сұрақтар қойылып, баршасына тиісті жауаптарын алды.

Аудандық «Қордай» мешітінің Баспасөз қызметі