Аудандық «Қордай» мешітінің алқа мүшелері, сауат ашу курсының шәкірттері және жалпы жамағат «Қазақстан» ұлттық телеарнасында жарық көретін «Иман айнасы» бағдарламасын тамашалады. Бағдарламаның тақырыбы «шыншылдық-адамдықтың кепілі» қордайлық көрермендердің көңілінен шықты. Атап айтқанда, облысымыздың өкіл имамы Д.Ә.Жұмабаевтың хадистерді түсіндіруі, абайтанушы ғалымдардың берген түсіндірмелері дініміздің құндылықтарын тағы бір паш етті десек болады. Бағдарлама қонағы болған танымал айтыскер ақын А.Қалиев қоғамымызда орын алып жатқан кейбір келеңсіздіктерді ашып айтып, оңайту жолдарын талқыға салды. Бағдарламаға Қордай жамағаты оң баға беріп, тұрақты көрермені болуға әзір екендіктерін жеткізді.

Аудандық «Қордай» мешітінің
баспасөз қызметі