Әз-Наурызға аман-есен жеттік. Қыстан аман шыққанға Аллаға шүкір еткен халқымыз жер-жерде наурыз көже таратып, ағайынның басын қосуда. Игі іс шарадан аудандық «Қордай» мешітінің ұжымы да қалыс қалмай Б.Байтөле ағамыздың демеушілігімен жамағатқа және мұқтаж азаматтарға дастархан жайып, наурыз көже таратты. Дастарханға күнделікті тағамдар мен қоса ұлттық тағамдарымыз құрт, ірімшік, жент, науат сияқты тағамдар қойылды. Дастархан басында жақсы сөздер айтылып, аудан имамы Ә.Шалбай дініміз жайлы уағыз айтты. Келген қонақтарға арнайы жасалған сыйлық қаптар таратылды. Сыйлық құрамы ұлттық тағамдар құрт, ірімшік, науат, жент және өрік, мейіз, құрма сынды жемістер салынды. Мерекелік дастарханға Алла кітабынан аяттар оқылып, ақсақалдар ақ батасын берді. Міне осылай ұлыстың ұлы күнінде дінімізбен дәстүріміз ұлықталды.

Аудандық «Қордай» мешітінің
баспасөз қызметі