Білімгерлердің құқықтық сауаттылығын арттыру, ата заңымызға деген сүйіспеншілік сезімін қалыптастырып, шыншыл да әділетті және парасатты тұлғаны қалыптастыру мақсатында «Парасат» колледжінің ұйымдастыруымен аталмыш тақырыпта дөңгелек үстел өтті. Дөңгелек үстелге Жас Отан жастар қанатының Тараз қалалық филиалының хатшысының орынбасары Мадияр Таймаев, Жамбыл облысы жастар саясаты мәселелері басқармасы Жастар орталығы мемлекеттік мекемесінің директорының орынбасары Талғат Шайхиев, «Һибатулла Тарази» медресесінің наиб имамы Ержан Аманбаев, сондай-ақ баспасөз қызметкерлері және ішкі істер мекемесінің қызметкерлері қатысты.

Жиында Ата заңымыздың жазылу тарихы, өзекті мәселелері тілге тиек етіліп, жастармен сұхбат жүрді.

«Һибатулла Тарази» мешітінің баспасөз қызметі