Қазіргі таңда техникалық ақпараттардың заманауи жетістіктері даму үстінде. Кез-келген адам баласына қажет дүниелік жаңалықтарды оңай, интернет арқылы алып отырады.

Соның ішінде діни мәселеге байланысты мәліметтер ақпараттандырады. Ақ-қарасына көңіл бөлмей, діни сауатсыздықтардың салдарынан әсіресе жас буындағы жастарымыздың арандатушылардың құрығына түсіп қалып жатады.

Жалындай тұрған жастарымыздың рухани дүниесіне жаман қылықтар тарамау мақсатында, тағы да үгіт-насихат тобы №48 орта мектебінде болып қайтты. Бұл жолғы кездесуге "Жүніс молда" мешітінің имамы Дастан Жақсымбетұлы, ауыл әкімшілігінің қызметкерлері, жастар тәрбиесі жөніндегі бөлім полиция қызметкерлері өз қызметтерін көрсетті.

Дін мәселесі жайында өткен жиынға 9-10-11 сынып оқушылары, ұстаздар қатысты. Дастан Жақсымбетұлы бірінші кезекте дәстүрлі Ислам дініміздің құндылықтары жайлы әңгімеледі. Әлемде болып жатқан түрлі қақтығыстардың дінімізге ешқандай қатысы жоқ екеніне тоқталды. Ислам діні – ынтымақ пен бірлік, бейбітшілікті жақтайтын дін деп қадап айтты. Жат ағымдар жайында түсініктеме беріп, жастар тәрбиесі, білімнің қажеттілігі, ата-анаға құрмет, салт-дәстүр жайлы сөз қозғады. Соңында сұрақ-жауап ұйымдастырылып, жиынның тартымды өткеніне куә болдық.

Аудандық «Меркі-ата» мешіті