Пайғамбар С.Ғ.С туылған айында бүкіл әлем қуанып жатқан уақытта,ол мереке  Жуалы ауданы Қарасаз ауылынан да бір тойланып өтті..Әлемге рахым нұры болып келген Әз Пайғамбарымыз Мұхаммад Мустафа С.Ғ.С-ға салауаттар айтылды. Қазақша мәулід оқуға арнайы түрде «Жуалы » мешітінің наиб имамы Есбосынов Бекберген келді. Мәулід оқылар алдында  Жуалы ауданының бас имамы Кенжемолдаев А Р  ардақты елшінің өнегелі өмірі жайлы уағыз айтты.Осы арқылы жиылған ауыл жамағаты Пайғамбарымыз Мұхаммад Мустафа С.Ғ.С өмірінің кейбір қыр-сырынан қанық болып,Алла және Оның Елшісіне деген сүйіспеншілігін бір шыңдап алды.

Ауыл әкімі Қазыбек бауырымыз жиылған жұртқа дастархан жайып,Пайғамбар құрметімен елдің тыныштығын,амандығын тілеуді,дұға қылуды өтінді.Ауыл имамы Құран оқып,аудан имамы  Кенжемолдаев А Р Пайғамбарға салауат айта отыра,ел тілеуін тіледі. Ата дәстүрге сәйкес осы жиынға себеп болған ауыл имамы Асқарға  қариялар ақ батасын беріп,тілеулестік жасап тарқасты.

Жамбыл облысы Жуалы ауданы