Айтізбесінің  рабиғул-аууәл айында әз Пайғамбарымыздың (с.ғ.с.) мәулiтiн мерекелеп, Алла Тағала бізді өзiнiң сүйiктi пайғамбары хазреті Мұхаммедтiң (с.ғ.с.) үмметi етiп жаратқанына шүкір айтып, сүйiктi хабибiне жамағат болып салауаттар айтуымыз аса құптарлық. Пайғамбарымызға (с.ғ.с.) салауат айтудың сауабы мол. Осы себепті аудандық «Қордай» мешітінде арнайы қазақша мәулід оқылды. Мәулід оқуға арнайы түрде «Әулие ата» мешітінің наиб имамы Ораз Тәжібекұлы келді. Мәулід оқылар алдында  Қордай ауданының бас имамы Ә.Шалбай ардақты елшінің өнегелі өмірі жайлы уағыз айтты. Мәулід оқылған кезде жамағатта әсерленіп, орындарынан тұрып, тебірене салауат айтты. Қордай имамдары Мәулід мерекесін  кең көлемде атап өту Алла қаласа алдымыздағы аптаға жоспарлауда.

Аудандық «Қордай» мешітінің
Баспасөз қызметі