Мүбәрак Мәуліт айы басталғалы бері елімізде, жалпы мұсылман жұртшылығында Алланың сүйікті құлы, ақырғы Елшісі әрі Пайғамбары болған Мұхаммед Мұстафаға (с.а.у.) арнап арнайы  Мәуліт дұғасы оқылып, түрлі игі іс шаралар атқарылып жатыр.

Қасиетті  жұма күні облыстық орталық «Һибатулла Тарази» мешітінде өткен жұма уағызында адамзаттың  асыл тәжі, ардақты Пайғамбарымыз Мұхаммедтің (с.а.у.) құрметіне қасиетті Мәуліт мерекесіне арнап мешітіміздің бас имамы Данияр қажы Алимұхамедұлы ақыретте мұсылмандардың шапағатшысы болатын Мұхаммед (с.а.у.)  Пайғамбардың өнегелі өмір жолы, Алланың дінін адамзатқа таратудағы тағылымға толы істері, оның   мүбәрак өмірі жайлы айта келіп,  Мәуліт дұғасын оқыды.

Әлемге рақым етіп жіберілген нұрлы Пайғамбарымызға (с.а.у.) жұма намазына жиналған мешіт жамағаты бірігіп салауаттар айтты.

«Һибатулла Тарази» мешітінің баспасөз қызметі