ҚМДБ-ның Жамбыл облысы бойынша өкілдігінің арнайы тапсырмасымен, АНТ-ның мүшелері  «Құлбай-баба» мешіт имамы Сматов Талгат және «Асым-ата» мешіт имамы Ахметов Хамидулла Меркі ауданындағы 127/971 арнайы жаяу әскер жасақ бөлімінде болды.

Әскери борышын өтеушілерге қоғамдағы жат ағымдар мәселесі жіті түсіндірілді. Жиынға елуден аса жауынгер әрі аймақтық ішкі саясат бөлімінен және жастар орталығының мүшелері катысты. Кездесу барысында «ҚР  діни экстремизм мен терроризмге қарсы іс әрекет жөніндегі мемлекеттік бағдарламасы», «Дәстүрлі ислам»,  «Тәкфиршілер жат ағым» тақырыбында әңгіме өрбіді.

Осы кездесуді пайдаланып, жауынгерлер өздерінің түрлі сұрақтарына пайдалы әрі толық жауап ала алды және осындай кездесулер жиі өтуіне тілектерін білдірді.                                                                    

«Құлбай-баба» мешітінің баспасөз қызметі