Күні кеше Жуалы ауданы Қарасаз ауылының  №6 Александр Пушкин атындағы орта мектептің акт залында тәрбиелік маңызы бар дөңгелек үстел өтті.Жиынға аудандық ақсақалдар кеңесінің төрағасы Мұратаев Жарас қария ,аудандағы  «Нұр-Отан» партиясының  бірінші орынбасары Үсіпбеков С,аудан имамы Кенжемолдаев А, «Ақментей» медиаторлық қорының басшысы ауыл ақсақалы Аманжол қария, ауыл әкімі Бейсеқұлов Қ,РОВД-ның жасы кәмелетке толмағандармен жұмыс істейтін инспекторы Үсіпбеков А,мектеп директоры Нұрқабылов Нуриддин т.б ата-аналар,мұғалімдер,мектептің 9-10-11 сыныбының жүзге тарта оқушысы қатысты.

Жастардың ой-өрісін,дүниетанымын дамытатын бұл келелі жиын әр саланың мамандарының өзара пікірлесумен,қария кісілердің өмірден көрген ғибратты әңгімелерімен,шариғат мамандарының діни тақырыпта түсіндірумен,ата-аналардың ой-пікірімен және де жастардың бұл тақырыптарда бей-жай қалмай үлкендер алдында қысылмай қымтырылмай ортақ ой қосып жатуымен ерекшеленді.

Қозғалған негізгі тақырыптар; Бауыржан атамыздың «Тәртіпке бас иген құл болмайды,Тәрбиесіз ел ел болмайды» деген даналық сөзінің  төңірегінде өрбіді.Адам құқығы, кемелдік тәлім тәрбие,береке-бірлік,елге іріткі салатын діни ағымдардың шығу себебі,діни экстримизмнің алдын-алу,жалпы келешек жастардың ұрпақ тәлімі-тәрбиесі әңгіме тұздығына айналды.

Жамбыл облысы

Жуалы ауданы