Жамбыл ауданы "Бәйдібек"мешіті.

Әрбір пенде өзінің Алла Тағалаға рухани да, дүниелік те жақындығын, яғни, қалтқысыз адалдығын көрсету үшін белгілі бір уақытта (айт намазынан кейін) аты аталып, шалынатын мал құрбандық деп аталады. Садақа – пітір беру сияқты құрбанға мал шалу да уәжіп. Бұл мақсатқа дербес мал арнау – әрбір мұсылманға уәжіп.

Құрбан айт – ұлық мейрам. Сол ұлық мейрамның алғашқы күні аудан орталығындағы «Бәйдібек» мешітіне мінәжәт етіп, яғни, айт намазына келген мұсылман халықта есеп болмады. Үлкен-кіші осында дерсіз.
Ауданның бас имамы Ғайырфулла қажы Қыуанышбекұлы .

имандылықтың жолындағы Құрбан айт турасында соны сөздерімен көңіл баурады.
Жиналған жамағат алдында сөз алған аудан әкімі орынбасары Самат Қабылбеков. Бұл ұлық мейрамның өзіндік ерекшелігі бар. Ол адам мен адамның жақындасуы, бір-біріне деген адал ниеті. Демек, ынтымағының жарасқаны. Ал ынтымақ ырыс әкеледі, бақыт сыйлайды, көл-көсір байлыққа кенелтеді. Шалайын деген құрбандықтарыңыз қабыл болсын!, - деді.

Айт намазынан кейін жұртшылық ағайын-туыс, жегжат-жұрат, дос-жарандарының үйлерін бетке алған. Олардың жүрек түкпірінде де, көңіл жиегінде де адал ниет, ыстық ықыластың орныққаны анық еді.

Аудан басшыларының жеті қызметкері құрбандыққа бір бұқа, бір қой шалып, Аса ауылдық округі аумағында тұратын жанұяға, яғни, отбасылық жағдайы төмен, мүмкіндігі шектеулі жандарға, көп балалы аналарға тиесілі азықты үлестіріп берді.Үш күнге ұласқан Құрбан айт мерекесін, ақ түйенің қарны жарылған күн десе де болғандай. Қай ауылға бармаңыз, Алланы аузынан тастамаған мұсылман халқы әр үйден дәм татып, бір марқайып қалды.

Найб имам

Әмірбеков Әбдіразақ.