Әлемдердің Раббысы ұлық етіп бізген нәсіп еткен Құрбан айтта елімізіге жетті. Әлемдегі барша мұсылман осы мереке тағатсыздана, үміт пен үрейдің ортасында, жақсы ниеттермен, қуана күтіп жатты. Бұл мұсылмандардың, Мұхаммед Мұстафаның с.ғ.с үмбетін біріктіретін ұлық күн.

Таң намазынан бастап аудандық «Қордай» мешітіне жамағат ағыла бастады, мешіт лық толып, тіпті жиналған жұрт сыймай да жатты. Мінбарға аудан бас имамы Ә.Шалбай шығып құрбандық жайлы, құрбан айт жайлы әсерлі де әсем уағыз айтты. Мерекелік жиынға құрметті қонақтардың ішінде  аудан әкімінің орынбасарлары Қ.Р.Иманалиев, Б.Т.Жамангөзөв, мәслихат хатшысы Б.Әлімбет сынды азаматтар болды. Аудан әкімінің орынбасары Қ.Р Иманалиев  аудан әкімі Қ.Ә.Досаевтың ыстық сәлемін жеткізіп, барша мұсылман қауымын мемлекеттік  мереке болған Құрбан айтпен құттықтап,  ниеттердің,  дұғалардың қабыл болуын тілеп, әлемді апаттан құтқаратын жалғыз күш ол тек қана имандылық екенін баса айтты.

Айша анамыздан жеткен хадисте Алла елшісі с.ғ.с: «Бұл күнгі ең үлкен- құлшылық- ол құрбан шалу» -деген хадисіне сай намаз аяқталаса сала жиналған мұсылман жұрты арнайы дайындалған құрбан шалу орындарына шоғырланып өз құлшылықтарын жасап, құрбандарын шалып, Жаратушыдан дұға тілеп жатты.

Атап кетелік жайт аудандық «Қордай» мешіті аудан әкімшілігімен, аудандық әлеуметтік бағдарламалар бөлімімен, аудандық мүгедектер қоғамымен және ардагерлер кеңесімен бірігіп мұқтаж жандарға құрбандық малдарының еттірін таратуға әзірлік жасап, игі істі іске асырып мұқтаждарға қол ұшын созуда. Ол жайлы алдымыздағы уақытта қосымша хабардар ету ниетіндеміз.

Аудандық «Қордай» мешітінің

Баспасөз қызметі