Т.Рысқұлов ауданында «Мектепке жол» акциясы жалғасып жатыр № 2 орта мектепте әлеуметтік жағдайы төмен және жетім балалары мен көпбалалы отбасынан шыққан оқушыларға сый-сияпат табыстады.

Бұл қайырымдылық акциясы отбасылық жағдайы төмен балаларға арналып жылына 1 рет ұйымдастырылады. Аталмыш шарада 40-ға жуық мектеп оқушыларына оқу құралдары мен мектеп жабдықтары сый етілді. Игі іске аудандық «Сұлтан» орталық мешіттің бас имамы Джадраев Сұлтаншәріп қажы, аудандық әкімнің орынбасары Әлпейсов Бейсен, мектеп ұстаздары және ата-аналар қатысты. Бас имам сөз кезегінде қайырымдылық шарасына жиналған қалың көпшілікке қайырымдылықтың қасиеті жайлы сөз қозғап, мұндай шаралардың алдағы уақытта да жалғасып тұратындығын жеткізді. Оқушылар және ата-аналар қайырымдылық акциясын ұйымдастырған мешіт қызметкерлеріне қуаныштарын білдіріп, ризашылықтарын айтты. Жақсылыққа, мейірімділікке шақыратын аталмыш жиын Бас имамның батасымен қорытыланды.

Мейірханов Әбілда әскери зйнеткер
Т.Рысқұлов ауданы