Бүгін Жамбыл облыстық «Һибатулла Тарази» мешіт-медресенің мәжіліс залында АНТ мүшелерінің және Тараз қаласындағы мешіттердің имам, молдаларының қатысуымен кеңейтілген жиналысы болып өтті.

Жиналыс барысында, АНТ мүшелерінің қасиетті Рамазан айында атқарған уағыз-насихат жұмыстарының қорытындысы тыңдалып, алдағы уақытта атқарылатын жұмыстар пысықталды. АНТ мүшелері қасиетті Рамазан айында қаладағы кереғар көзқарасты ұстанып жүргендердің көбірек шоғырланатын мешіттерде бесін намазы уақытында аптасына екі рет уағыз-насихат жұмыстары жүргізілді. Насихат барысында, олардың қате түсініктері мен адасқан тұстары туралы құнды уағыздар айтылып, олар қойған сұрақтарға дәлелді жауаптар берілген.

Сонымен қатар, ҚМДБ-ның тапсырмалары таныстырылып, нақты нұсқаулар берілді. Атап айтқан, «Нұр Мубарак» Египет Ислам мәдениеті университетінің жанынан ашылған дайындық курсына, 2015-2016 оқу жылына талапкерлер жолдау, Діни басқарманың тарапынан іріктеліп жатқан 2014 жылғы қажылық сапарында уағыз-насихат жүргізетін имамдар тобына және ҚМДБ-ның жанындағы «Республика имамдарының білімін жетілдіру» Ислам институты мен Біріккен Араб әмірлігінің теологиялық оқу орнына ұсынылатын имамдарды анықтау мәселелері талқыланды.

Сондай-ақ, ҚМДБ-ның Жамбыл облысы бойынша өкіл имамының тапсырмасына сай, алдағы 23-ші тамызға белгіленген жастар арасындағы ұлдар мен қыздарға арналған «Құранды жатқа оқудан» жарыс өтетіндігін жалпы халыққа насихаттау, жарысқа қатысатын үміткерлердің тізімін 20-шы тамызға дейін өкілдікке жолдану керектігі ескертілді.

ҚМДБ-ның Жамбыл облысы

бойынша өкілдігінің баспасөз қызметі