Құмөзек ауылында мектеп бітіргендеріне 20 жыл толған түлектер игі бастама көтеріп, ауылға тарту жасады. Ауыл тұрғындарының қуанышына айналған бұл шарада түлектер ауылдың төлқұжатын орнатып берді.

Төлқұжаттың ашылу салтанатына ауыл ақсақалдары, тұрғындар мен жастар қатысты. Шара барысында ауылдың өткені мен бүгіні айтылып, туған жерге деген құрмет пен жанашырлықтың маңызы ерекше атап өтілді.

Түлектердің айтуынша, бұл — туған ауылға деген алғыс пен құрметтің белгісі. Ашылу рәсімінде ақ тілектер айтылып, ауылдың өсіп-өркендеуіне арналған баталар берілді.

Мойынқұм аудандық «Мойынқұм» мешітінің баспасөз қызметі.