Жамбыл облысы Тұрар Рысқұлов ауданы Рахым Сәбденов ауылдық «Отарымбет»  мешітінің имамы Қалтай Спанұлы айт намазынан кейін жамағат арасынан топтар құрып, арқан тарту ұлттық ойынынан жарыс ұйымдастырды. Сонымен қатар, Луговой ауылы Әл-Хақ мешітінің имамы Үмбет Орынбасарұлы да арқан тартудан сайыс өткізді. Жамағат арасында ауызбірлікті нығайту мақсатында және айт мерекесін қуанышпен қарсы алу мақсатында өткізілген жарыс жеңімпаздарына ақшалай жүлде мен алғыс хаттар табыс етілді.

Ұлттық ойындар – бұл қазақ халқының бай мәдени мұрасының ажырамас бөлігі. Олар ұрпақтан-ұрпаққа беріліп, халықтың дәстүрлері мен салт-санасын сақтауға, дамытуға, әрі жаңғыртуға мүмкіндік береді. Қазақтың ұлттық ойындары, мысалы, асық ату, тоғызқұмалақ, көкпар, және басқалары, тек физикалық белсенділікті ғана емес, сонымен қатар логикалық ойлау, тапқырлық, ептілік, және шыдамдылық секілді қасиеттерді дамытуға да бағытталған. Бұл ойындардың тәрбиелік мәні зор, себебі олар балалар мен жастардың бойында ұлттық құндылықтарды қалыптастырады, патриоттық сезімдерін оятады.

 Қуаныш Түзелбеков

Рысқұлов аудандық мешіттің баспасөз қызметі