Жамбыл облысы, Тараз қаласы “Әл Фирдаус” мешітінің “Әйел-қыздар” секторының ұстазы Нұржамал Оңғарқызының жетекшілігімен Сауат ашу курсында екі ауысыммен оқып жатқан  шәкірттер арасында Адамзаттың ардақтысы Пайғамбарымыз Мұхаммедке (оған Алланың салауаты мен сәлемі болсын) салауат айту іс-шарасы Бақара сүресін оқумен басталды.

Жас ерекшеліктеріне қарамастан Қасиетті Рамазан айының сауабына үміттерін жалғаған,  Алла елшісіне деген сүйспеншілік сезімдерін Салауатпен байлаған қатысушылар Рамазан айының үшінші жұмасы, 6 наурыз күнін Адамзаттың ардақтысы Пайғамбарымыз Мұхаммедке (оған Алланың салауаты мен сәлемі болсын) салауат айтуға арнап, бір күнде салауат санын алды 10000-ға, соңы 1000-ға  жеткізді. Көш алды шыққан шәкірттер өздерінің белсенділіктерін танытып, үлгі бола білді.

Барлық қатысушыларға салауаттан сарқыт деп, ынталандыру сыйлықтары берілді. Іс-шара соңы  Сауат ашу курсы шәкірттерінің  сезімді оятатын әуезді үндерімен қосылып айтқан Салауаттары жүректегі имани гүлдің бүршік атуына және жүректердің бір-біріне деген сүйіспеншілік, махаббат сезімін оятумен аяқталды.

Ғалымбек Төлегенұлы