Рамазан – мұсылман үмбеті үшін ең қасиетті айлардың бірі. Бұл ай – адамның нәпсісін тәрбиелеп, рухани тазаруына, сабыр мен тақуалыққа жетуіне мүмкіндік беретін ерекше уақыт. Рамазан айында мұсылмандар ораза ұстап қана қоймай, жүрек тазалығына, жақсы міңезге, қайырымдылыққа және Аллаға жақындауға ерекше көңіл бөледі. Бұл айдың қадірі мен қасиеті Құран аяттарынла және Мұхаммед пайғамбар «оған Алланың игілігі мен сәлемі болсын» хадистерінде кеңінен баяндалған.

Рамазан – мұсылман күнтізбесінің тоғызыншы айы. Бұл айдың ерекшілігі– дәл осы айда Құран түсе бастаған. Сондықтан Рамазан – тек аш жүру айы емес, о – Құранмен жақындасу, жүректі жұмсарту, рухани жаңару айы.Ораза ұстау арқылы адам:

• Сабырлыққа үйренеді
• Нәпсісін тәрбиелейді
• Мұқтаж жандардың жағдайын түсінеді
• Аллаға деген  тәуелділігін сезінеді

Рамазан – тек жеке құлшылық емес, қоғамдағы мейірімділік пен бірлікті күшейтетін ай.

Ораза адамның ішкі дүниесін өзгертеді. Аштық пен шөл арқылы адам:

• Өзінің әлсіз екенін түсінеді
• Алланың берген нығметтерін бағалайды
• Тілін, көзін, ойын жамандықтан қорғайды

Шынайы ораза – тек ас-судан тыйылу емес. Ол – жаман сөзден, өсектен, өтіріктен, зұлымдықтан тыйылу.Пайғамбарымыз «оған Алланың игілігі мен сәлемі болсын»  хадисінде:«Кімде-кім жаман сөз бен жаман істі тастамаса, Аллаға оның ішіп-жеуден тыйылғаны қажет емес» – деп айтылған. Бұл айда:

• Күнәлар кешіріледі
• Дұғалар қабыл болады
• Сауаптар еселенеді
• Мұсылмандар бұл айда:
• Тарауих намазын оқиды
• Құранды көбірек оқиды
• Садақа береді
• Туыстық қатынасты нығайтады

Рамазан – адамдар арасындағы ренішті ұмытып, кешірім сұрайтын ең жақсы уақыт.

Рамазанның ең маңызды түндерінің бірі – Қадір түні. Бұл түнде жасалған құлшылық 1000 айдан артық сауапқа тең.Бұл түн:

• Періштелер түсетін түн
• Тыныштық пен береке түні

Дұға қабыл болатын түн - сондықтан мұсылмандар Рамазанның соңғы он түнінде құлшылықты күшейтеді.

Рамазан қоғамға да үлкен пайда әкеледі:

• Бай мен кедей арасын жақындатады
• Қайырымдылық көбейеді
• Бірлік пен бауырмалдық артады
• Көптеген елдерде Рамазан айында мұқтаж жандарға арнайы көмек көрсетіледі.

Бұл ай – адамның өзін қайта тәрбиелеуіне үлкен мүмкіндік. Егер адам Рамазанды дұрыс өткізсе:

• Мінезі көркемделеді
• Жүрегі жұмсарады
• Иманы күшейеді

Рамазаннан кейін де осы жақсы амалдарды жалғастыру – нағыз жетістік. Рамазан – тек діни міндет емес, ол – рухани мектеп. Бұл айда адам сабырлықты, мейірімділікті, кешірімділікті, тақуалықты үйренеді. Рамазан – адамның Алла Тағалаға жақындайтын, жүрегін тазартатын, өмірін дұрыс арнаға бұратын ай. Рамазанды шынайы ниетпен өткізген адам рухани тұрғыдан өседі және қоғамға пайдалы тұлғаға айналады.

Жамбыл облысы Байзақ ауданының бас имамы 

Жұмағұл Қанат Әділханұлы