Қасиетті Құранда былай дейді: «Алланың мешіттерін шынымен Аллаға және ақырет күніне сенген, намазды толық өтеген, зекет берген, тек қана Алладан қорыққан адамдар ғана ұстайды. Міне, солардың тура жол табушылардан болуы үміт етіледі» («Тәубе» сүресі, 18-аят).

Пайғамбарымыз (с.ғ.с.) бір сөзінде: «Дүниеде қонақ тәрізді болыңдар, мешітті үй секілді етіп алыңдар (яғни көп баруға тырысыңдар), жүректеріңе жұм-сақтықты қайтарыңдар. (Алла жайлы, оның әмірлері мен тыйым-дары жайлы т.б.) пікірлеуді және (жасап қойған күнәлардың жаза-сынан, Алланың қаһарынан қорқып, жәннатын үміт етіп) көзге жас алуды көбейтіңдер. Нәпсілеріңнің азғыруына түсуші болмаңдар. (Көп) тұрмайтын үйлерді салмаң-дар. Жемейтін нәрсені жинай бермеңдер…», – деген екен.

Аллаға шүкір еліміз тәуелсіздік алғалы жерімізде мешіттер көбейді. Мешіт - құлшылық үйі. Ал осы Алланың үйіне сіз келесіз бе? Аяқ-қолыңыз бар, көзіңіз көреді, азан даусын естисіз... мешітке күніне кем дегенде 1 рет келіп намаз оқисыз ба?

hibatulla.kz