Жамбыл облысы Тұрар Рысқұлов ауданы Луговой ауылдық «Әл-Хақ» мешітінің имамы Сабырханов Үмбет жұма намаздан кейін жамағатқа пәтуа сағатын өтті. Пәтуа сағатында аңшылықтың үкімі тақырыбын қозғады. Үмбет имам кеңінен түсіндіре келе соңында мынадай шешімін айтты.

1. Аңшы аң аулау немесе оқ атар алдында «Бисмиллә» сөзін айтуы тиіс. «Бимиллә» сөзін әдейі айтпаса, ол аң адал емес.
2. Аң ­пайдалану үшін емес, ермек үшін ауланса, макруһ таһрими болып саналады.
3. Аң аулаушы кісі мұсылман не әһлі-кітап иесі болу керек. Діннен шыққан, пұтқа не отқа табынатын және атеист адамның аулаған аңын жеуге болмайды.
4. Аң аулауға арналған қару өткір, жарақаттайтын болу керек. Қарудың жарақаттап кесуінен аң өлсе, адал, ал соққыдан өлсе, арам саналады.
5. Шариғат тұрғысынан рұқсат етілген аңдарды аулауға заңмен тыйым салса, басшыға бағыну – уәжіп.

 Қуаныш Түзелбеков

Рысқұлов аудандық мешіттің баспасөз қызметі