Аудандық "Бәйдібек" мешітінің наиб имамы Азамат Балхожаев Ащыбұлақ ауылы, "Тоқтаберген ата" мешітіне іссапар барысында жамағатқа "Жүрек дерті" тақырыбында уағыз-насихат айтты. Жүрек – амалдарды сақтайтын нәзік ыдыс: жүрек жасалған амалдарды сақтап, кейін оған таңба басады. Егер онда жинақталған амалдар игі болса, онда жүрек те ізгі, егер амалдар пасық болса жүрек те пасық.

Пенденің мінезі мен жүріс-тұрысының өзгеруі нәтижесінде жүректің сыртқы көрінісі де өзгереді. Сондай-ақ оның саусаламаттық пен дерттің және бақыт пен бақытсыздықтың арасындағы халдері де ауытқып отырады. Жүректің жұмсақ немесе қатты болуы оның жоғары мәртебелі Алланың бұйрығына сәйкес ізгі амалдарды көптеп жасауы мен олардан бас тартып орындамауына байланысты екенін есте ұстаған жөн.

Жамбыл аудандық орталық мешітінің баспасөз қызметі