Ардақты Пайғамбарымыз Мұхаммед (оған Алланың салауаты мен сәлемі болсын) хадистерінің бірінде: «Кімде-кім білім алу мақсатында жолға шығатын болса, Алла оның жәннатқа барар жолын жеңілдетеді», – деген.

Алла елшісі бірде Әбу Зәрр (Алла оған разы болсын) есімді сахабасына: «Ей, Әбу Зәрр! Таңертең үйіңнен шығып, Құраннан бір аят үйренуің сен үшін 100 рәкағат нәпіл намаз оқығаннан да қайырлы. Сол секілді таңертең үйіңнен шығып, ілімнен бір бөлім үйренуің сен үшін мың ракағат нәпіл намаз оқудан жақсырақ», – деп өсиет еткен.

Жамбыл облысы, Қордай ауданы, Қаракемер ауылы, «Қаракемер2» мешітінде әйел ұстазы жамағатына таныстырылды. Жаңа ұстаз - Сарыағаш медресе-колледжі шәкіртті Шукралиева Әдеміай Бахиқызы. Жаратушы Жаббар Иеміз баршамызды және ұрпағымызды білімді етіп, үйренген білімімізге сай амал етуді жазғай!

Аудандық «Қордай» мешіті баспасөз қызметі