Бесағаш ауылы, "Бесағаш" мешітінде Өрнек ауылы, "Рәпілбек" мешітінің молдасы Маулен Ибрагимов келген жамағатқа "Ихсан тәрбие негізі" тақырыбында насихат айтты. Пайғамбарымыз хадистерінде Жәбірейіл періште келіп бірнеше сұрақ қойып, Алланың Елшісі сендерге дінді үйрету үшін жіберілгендігін айтқан еді. Сұрақтардың бірі "Ихсан деген не?" - дегенде Пайғамбарымыз: "Алланың көріп тұрғандай, оған шамаң келмесе Алла сені көріп тұр деп құлшылық жасауың" - деді.
Шыныменде біз Алланы көріп тұрғанындай құлшылық жасай алмайтын шығармыз, бірақ біз Алла көріп, бақылап тұр деп мінәжат етіп өмір сүру керектігі айтылды. Иманның негізгі мақсаты да өзге жоқ кезде қалаған нәрсені, күнәні жасау емес Алла көріп тұр деп тоқтату, қорқу мен тақуалыққа салу екендігі түсіндірілді.