Қайырымдылық пен ізгілікті дәріптейтін дәстүрге сай Шу ауданында «Мектепке жол» науқаны қарқынды жүруде. Осы игі шара аясында «Төле би» мешітінің бас имамы Талғат Кәрібайұлының бастамасымен 25 оқушыға мектеп формасы мен қажетті оқу құралдары табысталды.

Жаңа оқу жылына дайындық кезінде көрсетілген бұл қолдау бүлдіршіндердің қуанышын еселеп, ата-аналардың алғысына бөленді. Олар демеушілік жасаған жомарт жандарға, сондай-ақ мешіт ұжымына шынайы ризашылығын білдіріп, ақ батасын берді.

Мешіт ұжымы балаларға сәттілік тілеп, білімге деген талпыныстарын арттыруға жігер берді.

Шу аудандық «Жәми» мешітінің баспасөз қызметі.