Гродиково ауылы, Арынғазы мешітінің ұстазы Малик Унгарбаев келген жамағатқа «Ихсан - құлшылық негізі» тақырыбын кеңінен тарқатып, түсіндіріп берді. Қоғамда мұсылмандарға жетіспей жатқан, діннің негізі болған адамды тәрбиелеу, бұрыс тұстарын түзелеу, мінез-құлқын ізгі істермен толықтыру.

Пайғамбарымыз хадисінде: «Қияметте таразыны ауыр басатын бір ғана амал Алладан қорқу мен көркем мінез» - деп айтқан. Осы аталғандарға жеткізер жол – ихсан. Яғни, Алла сені көріп тұр деп шын жүрекпен құлшылық жасау, ғибадатын ықыласпен орындау және қоғамда тәртіп сақтау мен өзгенің ала жібін аттамауға жетелейтіндігі айтылды.

Мұсылман сырт келбеті мен тазалығына қарағаныдай, ішкі жан дүниесінің тазалығы мен түрлі дерттерден сақтандыруға міндетті. Сол үшін қияметтен үміті бар адам көреалмаушылық, кек, ыза, сабырсыздық, бақталастық және т.б. дерттердің емі ихсан дәрежесіне жету екендігі аталды. Шараға 10 адам қатысты.