Шу ауданына қарасты Еңбекші ауылдық «Еңбекші» мешітінде «Имани жаз – 2025» діни сауат ашу курсына қатысушы шәкірттер арасында аудандық көлемде Құран жарысы өтті.

Жарыс басталар алдында дін мамандары жас шәкірттерге сәттілік тілеп, Құран аяттарын мәнерлеп оқу мен дыбыстарды дұрыс айтуға айрықша назар аударды. Бұл игі шара «Ислам және отбасы құндылықтары жылы»аясында ұйымдастырылып, үш кезең бойынша сыналды: 1 пара, 20 сүре, 10 сүре.

Барлығы 33 шәкірт бақ сынаған дода ауыл жастарының демеушілігімен өтті. Жүлделі орындармен қоса есептегенде жиналған жалпы қаражат көлемі 525 000 теңгені құрады.

Жеңімпаздар тізімі: 1 пара:

I орын – Абдурахман Арыстанбек (8 жас) – 70 000 теңге
II орын – Әділет Бегалы (15 жас) – 60 000 теңге
III орын – Абдулла Инаркиев (13 жас) – 50 000 теңге

20 сүре:
I орын – Нұрбек Тұрсынбек (16 жас) – 40 000 теңге
II орын – Рамазан Алқадр (14 жас) – 30 000 теңге
II орын – Әли Мухаммедұлы (10 жас) және Мерей Жақсылық (12 жас) – 20 000 теңге

10 сүре:

I орын – Мухаммадхарис Желдібай (10 жас) – 25 000 теңге
II орын – Қуаныш Бақытұлы (13 жас) – 20 000 теңге
III орын – Абзал Сержан (15 жас) – 15 000 теңге

Шара соңында жеңімпаздарға сондай-ақ барша қатысушыларға 5 000 теңге ынталандыру сыйлықтары табысталып, имамдар шәкірттерге білім алудан ешқашан тайынбау керектігін өсиет етті. Қатысушылар мен ата-аналар жарыстың жоғары деңгейде өткенін атап, ұйымдастырушыларға алғыстарын жеткізді.

Шу аудандық «Жәми» мешітінің баспасөз қызметі.