Жиенбет ауылдық мешітінің имамы Бердібек Шүкірәлі жамағаттың діни білімін арттыру әрі ұлттық құндылықтарды дәріптеу мақсатында тағылымды шара ұйымдастырды.

«Дін мен дәстүр» кітабы аясында дін мен дәстүрдің сабақтастығы жөнінде және «Имандылық әліппесі» кітабының 15 сабағына арналған 15 сұрақтан тұратын билет әзірленіп, ауыл тұрғындары арасында білім сайысы өтті.

Белсенді ауыл жамағаты сайыс барысында жақсы нәтижелер көрсетіп, өз білімдерін шыңдады. Ең қызығы – жүлдеге тігілген қаржылай сыйлықты қатысушылар бір ауыздан ауылда өтіп жатқан «Мектепке жол» қайырымдылық науқанына қосу туралы шешім қабылдады.

«Бұл ізгі амалымыз – санамыздың ашылып, біліміміздің артуына Алла себеп етер деп үміттенеміз», – деп имам өз батасын берді.

Шу аудандық «Жәми» мешітінің баспасөз қызметі.