Жиенбет ауылдық мешітінің имамы Бердібек Шүкірәлінің бастамасымен және ауыл тұрғындарының жомарттығымен «Мектепке жол» қайырымдылық науқаны өтті.

Игі шара барысында 240 000 теңге ақшалай көмекке, 80 000 теңге аяқ киімге, сондай-ақ 6 оқушыға оқу құралдарымен жабдықталған мектеп сөмкелері таратылды. Барлығы 16 отбасы қамтылған бұл шараға жалпы 350 000 теңге көлемінде қаражат жұмсалды.

Игі іске атсалысқан ауыл азаматтары жаңа оқу жылы қарсаңында балалардың қуанышын еселеп, қамқорлық пен бірліктің үлгісін көрсетті.

Шу аудандық «Жәми» мешітінің баспасөз қызметі.