Меркі: Мешіт шәкірттері арасында арқан тартудан жарыс өтті

Меркі: Мешіт шәкірттері арасында арқан тартудан жарыс өтті

User Rating: 5 / 5

Star ActiveStar ActiveStar ActiveStar ActiveStar Active
 

«Жүніс молда» мешіті жанындағы жазғы діни сауат ашу курсына қатысып жүрген шәкірттер арасында достық қарым-қатынасты нығайту және бірлікті арттыру мақсатында арқан тартудан жарыс ұйымдастырылды.

Жарысқа әр жастағы шәкірттер белсене қатысып, өзара топ-топқа бөлініп бақ сынасты. Шара барысында балалардың ұйымшылдығы, бір-біріне деген қолдауы мен жігерлі әрекеті ерекше байқалды. Дода соңында жеңімпаздар арнайы марапатталып, барлық қатысушыларға тәтті сусындар таратылды.

Іс-шараны мешіт ұстазы ұйымдастырып, шәкірттерге достық, бірлік және ынтымақтың маңыздылығы жөнінде насихат айтты. Бұл жарыс мешіт шәкірттерінің тек діни біліммен ғана шектелмей, денсаулығын шынықтыруға, ұлттық ойынымызға және бірлікке мән беретінін көрсетті. Алдағы уақытта да осындай тәрбиелік мәні бар ұлттық спорт түрлерінен сайыстар жалғасын табатыны айтылды.

Меркі аудандық «Меркі ата» мешітінің баспасөз қызметі

ҚҰРМЕТТІ ОҚЫРМАН! ОСЫ ТАҚЫРЫПҚА БАЙЛАНЫСТЫ ПІКІРІҢІЗДІ БӨЛІСЕ ОТЫРЫҢЫЗ.
Жаңалықтардың астында қалдырылған комментарийлер мазмұны asyldin.kz рухани ағарту порталында редакцияланбайды. Сайт комментарийлердің пішіні мен мазмұнына жауап бермейді. Пікір білдірерде тәртіп сақтауды сұраймыз!
пікірлер (0)

Оқи отырыңыз: